Shkup/Kumanovë, 17 Mars, Zhurnal.mk – Rrethanat e vdekjes së Vedat Ahmetit në spitalin e Kumanovës një vit më parë ende nuk kanë një sqarim zyrtar as të spitalit e as të prokurorisë.
32 vjeçari kishte kërkuar ndihmë mjekësore në spital pas një dhembje në stomak. Por pas dhënies së një ilaçi nga personali mjekësor në spitalin e Kumanovës Vedati vdiç aty në spital.
E një vit më pas shkaqet e vdekjesë së tij mbetet zyrtarisht enigmë, përderisa familjarët e të ndjerit dyshojnë se atij i është dhënë një ilaç i gabuar e i cili ka shkaktuar vdekjen e tij.
Famija e të ndjerit sot përsëri ka bërë thirrje që institucionet e vendit të dalin me sqarimin zyrtar të rrethanave të vdekjes.
“Sot bëhet një vitë e ndarjes nga kjo jetë e të dashurit tonë Vedat Ademi. 1 vitë mes dhimbjes dhe kërkimit të përgjigjes se si dhe pse u largua nga kjo botë.
Besojmë në caktimin e Zotit por jo edhe çdo krim në këtë botë t’ia mveshim vullnetit të Zotit andaj edhe autopsia mbi trupin e të ndjerit u kërkua pikërishtë që të kërkohen shkaqet dhe shkaktari i vërtet dhe senzibilizim mbi praktikat e papërgjegjsis” si individuale ashtu edhe institucionale mbi jetët e njerzëve,” shkruan familja e të ndjerit në një reagim publik përmes FB.
Familja beson se organet e shtetit po tentojnë që ta devijojnë arsyen e vërtetë të vdekjes.
“Të indinjuar nga pritja e gati një viti që organet e shtetit të deklarohen mbi ngjarjen që ka trondit familjen tonë, farefisin dhe qytetarët e shumtë në qytetin tonë dhe më gjërë, sot kemi inicuar këtë reagim publik që të njoftojmë opinionin e gjërë se lënda mbi Vedat Ademin të jetë e konstruktuar ështu që përgjegjësit të lirohen nga fajësia dhe të paraqiten fakte që rrëzojnë faktet e gabimit në tretmanin mjeksor dhe rrezikimin e jetës me përfundimin e saj fatal më 17 mars 2025,” thuhet në reagim.
“Mbajtja e lëndes për 1 vitë ka ngritur dyshimet edhe më shumë në besimin mbi drejtësin edhe ashtu të luhatur në RMV andaj si gardian mbi të vërtetën do të ngarkojmë mediumet, portalet e ndryshëm, institucionet shtetërore, organizata për të drejtat e njeriut.sektor për drejtësi të bashkësisë europiane, organizata joqeveritare dhe individ që mund të ndihmojnë në zbardhjen transparente të rastit,” thotë familja e të ndjerit.
