Shkup, 14 Prill, Zhurnal.mk – Kryetari i partisë opozitare maqedonase LSDM, Venko Filipçe, i ka bërë thirrje qeverisë së Hristijan Mickoskit që të kërkohë nga qeveria e ardhshme e hungarisë që kërkojë dëbimin e Nikolla Gruevskit nga hungaria për në Maqedoni të Veriut, ku ai është i dënuar me burg në disa procese gjyqësore.
“Për vite me radhë ai gëzoi mikpritjen e Viktor Orban, i cili e mbrojti nga drejtësia. A do të ikë diku tjetër, në Rusi apo në ndonjë vend tjetër, apo do të kthehet këtu për të vuajtur dënimin e tij?,” tha Filipçe sot në një konferencë për shtyp.
Kryetari i LSDM-së e mirëpriti deklaratën e djeshmë të kryeministrit të ardhshëm hungarez Peter Magyar kur tha se qeveria e tij nuk do t’iu ofrojë më strehë të ikurve nga vendet e tyre, përfshirë edhe Gruevskit.
Filipçe ndërkohë e mirëpriti urimin që Magyar-it i ka bërë partia qeverisëse ZNAM dhe ndërkohë shtroi pyetjen nëse qeveria ka bërë kërkesë për kthimin e Gruevskit në Maqedoni të Veriut.
“Meqenëse lëvizja ZNAM e ka uruar tashmë kryeministrin e ri hungarez për fitoren e tij, tani bëjmë pyetjen e mëposhtme: a ka paraqitur deri më tani kjo qeveri VMRO-ZNAM një kërkesë për ekstradim për kthimin e Nikola Gruevskit? Nëse jo, pse jo? Dhe nëse jo, a do të paraqesin një kërkesë për ekstradimin e Nikola Gruevskit në vend sot, gjatë ditës pas deklaratës së kryeministrit të ri hungarez? Drejtësia, sado që të vonohet, gjithmonë vjen në fund. Është koha për drejtësi,” tha kreu i LSDM-së.
Magyuar-in e ka uruar dje për fitoren ndaj Viktor Orban-it edhe Ministri i Jashëm Timço Mucunski.
