Shkup, 30 shtator, Zhurnal.mk – Rreth 30.000 qytetarë, përfaqësues të trupit diplomatik, figura publike, vullnetarë dhe të rinj sot morën pjesë në aksionin më masiv ekologjik për pastrimin e Shkupit. Në kuadër të iniciativës u përfshinë shumë lokacione nëpër qytet me qëllim krijimin e kushteve më të bukura dhe më të shëndetshme për jetesë.
Duke u ndalur tek masiviteti dhe bashkësia e qytetarëve, kryetari i komunës Orce Gjorgjievski tha:
– Sot treguam se si duhet dashur qyteti i vet! Me mëngë të përveshura, me bashkim dhe me shembull personal, mijëra bashkëqytetarë tanë dolën me një qëllim – Shkup më të pastër dhe më të bukur!
Gjorgjievski drejtoi edhe një mesazh të ashpër ndaj qytetarëve të papërgjegjshëm që e ndotin mjedisin jetësor:
– Masiviteti i sotëm është një mesazh i fortë edhe për të gjithë ata që papërgjegjshëm e ndotin Shkupin – respektoni mundin e bashkëqytetarëve tuaj! Pas çdo cepi të pastruar qëndron një minutë e dikujt e ndarë, një dorë punëtore dhe një dëshirë e sinqertë për qytet më të bukur. Askush nuk ka të drejtë ta zhdukë atë mund me papërgjegjësinë e vet.
Nga Komuna u paralajmërua se aksione të tilla pastrimi do të organizohen dy herë në muaj, me qëllim ndërtimin e qëndrueshëm të zakoneve për ruajtjen e mjedisit jetësor dhe hapësirave publike.
