Shkup, 14 nëntor Zhurnal.mk – Institucionet dhe shoqatat e ndryshme në Maqedoninë e Veriut deri më 1 dhjetor do të mund të propozojnë ndonjë temë, projekt ose institucion te Enti Shtetëror i Revizionit për kontroll gjatë vitit 2027-të.
“Në drejtim të avancimit të transparencës dhe përfshirjes së publikut në procesin e përcaktimit të prioriteteve të revizionit, ESHR-ja i fton të gjitha palët e interesuara – institucionet, organizatat, shoqatat e qytetarëve dhe subjektet e tjera të interesuara, që të dorëzojnë propozime për institucione, subjekte dhe fusha për të cilat konsiderojnë se ekziston nevoja dhe interesi publik për kryerjen e revizionit shtetëror”, raportoi Revizioni.
Dorëzimi i propozimeve mund të bëhet ne ueb-faqen e Revizionit ose në e-mailin e Revizionit.
Propozimet e pranuara do të përfshihen në Programin Vjetor të Punës për vitin 2027-të, por paraprakisht duhet të miratohen nga kryerevizori shtetëror dhe të dorëzohen në Kuvendin e RMV-së, më së largu deri në fund të dhjetorit.
