Gjykata e Lartë ka rrëzuar kërkesën e kryetarit të bashkisë së Tiranës, Erion Veliaj për pavlefshmërinë e akteve hetimore të Prokurorisë së Posaçme.
“Mospranimin e rekurseve të paraqitura nga Erion Veliaj kundër vendimit 228(87-2025-359) datë 20.10.2025, të Gjykatës së Posaçme të Apelit për Korrupsionin dhe Krimin e Organizuar”, thuhet në vendim.
Veliaj ka pretenduar se hetimet e SPAK janë kryer në shkelje të ligjit. Gjykata e Posaçme e Shkallës së Parë dhe ajo e Apelit i rrëzuan kërkesat gjatë muajve shtator–tetor të vitit 2025.
Ndaj Veliajt rëndojnë 13 akuza, të tilla si korrupsion pasiv në 9 raste, pastrim parash, mosdeklarim pasurie, shpërdorim detyre dhe futja e sendeve në burg. Po ashtu për gjykim është dërguar edhe bashkëshortja e tij Ajola Xoxa.
Veliaj ndodhet në qeli prej 10 shkurtit 2025.
