Tiranë, 10 prill Zhurnal.mk – Në vigjilje të Pashkës Ortodokse, ambasadori i Bashkimit Evropian në vendin tonë, Silvio Gonzato, u takua sot me Kryepeshkopin e Tiranës, Durrësit dhe gjithë Shqipërisë, Joan Pelushi.
Gonzato bëri të ditur se i përcolli “urimet më të përzemërta gjithë komunitetit ortodoks”.
Ambasadori i BE-së theksoi se gjatë takimit “diskutuam për rolin e rëndësishëm të komunitetit ortodoks në Shqipëri dhe vlerësova mbështetjen e vazhdueshme të Kishës Ortodokse Autoqefale të Shqipërisë për procesin e integrimit evropian”.
“Ndamë gjithashtu bindjen e përbashkët se bashkësitë fetare duhet të vijojnë të ushqejnë dialogun ndërfetar për të forcuar bashkëjetesën paqësore në shoqërinë shqiptare,” nënvizoi ai.
Besimtarët ortodoksë festojnë të dielën Pashkën, një ditë e shënuar e kalendarit fetar.
Pashka është një nga kremtimet më të mëdha të besimtarëve ortodoksëve dhe risjellin në vëmendje ngjarjen e madhe të ngjalljes së Jezusit të Nazaretit, tre ditë pas vdekjes së tij në kryq.
