Budapest, 9 qershor Zhurnal.mk – Ish-kryeministri i Maqedonisë së Veriut, Nikola Gruevski, ka reaguar ndaj deklaratave të Aleksandar Malenkos, duke i cilësuar ato si gënjeshtra dhe trillime pa bazë.
Në reagimin e tij, Gruevski thekson se asnjëherë në jetën e tij nuk është takuar apo biseduar me Malenkon dhe se ai nuk ka qenë ndonjëherë temë serioze për të. Ai mohon kategorikisht pretendimet se ditët e fundit para largimit nga Maqedonia ka qëndruar në një hotel në Ohër së bashku me fëmijët dhe ish-bashkëshorten e tij.
Sipas Gruevskit, këto pretendime mund të verifikohen lehtësisht përmes pranisë së familjarëve të tij në shkollë dhe në vendin e punës gjatë asaj periudhe, si dhe përmes takimeve të shumta që ai kishte zhvilluar në Shkup në ato ditë.
Ai sqaron se në hotelin e përmendur nga Malenko ka qëndruar rreth shtatë muaj më herët, gjatë festave të Pashkëve. Sipas tij, aty kishte mësuar se hoteli ishte në pronësi të babait të bashkëshortes së Malenkos në atë kohë, pasi i ishte thënë se Malenko e kishte kërkuar gjatë mëngjesit, të cilin ai nuk e kishte ndjekur.
Megjithëse, siç thotë ai, rrallëherë u përgjigjet sulmeve dhe akuzave të përditshme ndaj tij, Gruevski thekson se kësaj radhe vendosi të reagojë për shkak se në këtë histori janë përmendur padrejtësisht edhe anëtarët e ish-sigurimit të tij.
“Anëtarët e sigurimit tim të dikurshëm nuk kanë asnjë lidhje me largimin tim nga Maqedonia dhe pikërisht për këtë arsye vendosa të reagoj publikisht”, thuhet në reagimin e Gruevskit.
https://www.facebook.com/share/p/1YAWsdH12q/
