Stamboll, 5 maj Zhurnal.mk – Ministri i Mjedisit Jetësor dhe Planifikimit Hapësinor, Muamet Hoxha, zhvilloi një takim me ministrin e Bujqësisë dhe Pylltarisë të Republikës së Turqisë, Ibrahim Yumakli, nikoqir i Forumit të 5-të Ndërkombëtar për Ujërat që po mbahet në Stamboll.
Biseda u përqendrua në mundësitë konkrete për avancimin e bashkëpunimit bilateral, veçanërisht në drejtim të modernizimit të sistemeve për menaxhimin e ujërave, forcimin e kapaciteteve dhe përdorimin e qasjeve bashkëkohore në përballjen me rreziqet klimatike. U theksua gjithashtu roli i nismave rajonale si platformë për shkëmbim më të shpejtë të njohurive dhe zgjidhjeve praktike, informojnë nga Ministria e Mjedisit Jetësor dhe Planifikimit Hapësinor.
Ministrat u pajtuan se dialogu i vazhdueshëm dhe lidhja institucionale janë kyçe për arritjen e rezultateve të dukshme, duke theksuar gatishmërinë për thellimin e bashkëpunimit përmes aktiviteteve me interes të përbashkët.
