Kasami mori pjesë në edicionin e 32-të të festivalit “Bletëzat 2026”: Komuna e Tetovës mbështet talentet e reja

Nga Xh M
A+ A-
Rivendos

Tetovë, 4 nëntor Zhurnal.mk – Kryetari i Komunës së Tetovës, Bilall Kasami, sonte mori pjesë në edicionin e 32-të të Festivalit të Këngës për Fëmijë “Bletëzat 2026”, një manifestim tradicional që promovon artin, kulturën dhe talentin e fëmijëve.

Kasami theksoi se Komuna e Tetovës, duke vlerësuar rëndësinë e këtij festivali për pasurimin e jetës kulturore të qytetit dhe promovimin e krijimtarisë së brezave të rinj, edhe këtë vit ka mbështetur organizimin dhe realizimin e tij.

Ai nënvizoi se investimi në kulturë dhe në talentet e reja është investim në të ardhmen, ndërsa përgëzoi organizatorët për realizimin e festivalit dhe të gjithë fëmijët pjesëmarrës për talentin dhe përkushtimin e treguar në këtë edicion.

Sonte me shumë kënaqësi mora pjesë në edicionin e 32-të të Festivalit të Këngës për Fëmijë “Bletëzat 2026”, një manifestim i rëndësishëm kulturor që dëshmon përkushtimin ndaj artit, kulturës dhe krijimtarisë së brezave të rinj.

Komuna e Tetovës, duke vlerësuar rëndësinë e këtij festivali në promovimin e talentit të fëmijëve dhe pasurimin e jetës kulturore të qytetit, edhe këtë vit ka mbështetur realizimin e tij, me bindjen se investimi në kulturë dhe në brezat e rinj është investim në të ardhmen tonë.

Përgëzoj organizatorët për realizimin e këtij festivali, si dhe të gjithë fëmijët pjesëmarrës, të cilët me talentin dhe përkushtimin e tyre i dhanë këtij edicioni një vlerë të veçantë!

https://www.facebook.com/share/p/19s3wjyxGs/

artikuj të ndërlidhura

Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi. Pranoj Lexo më tepër