Kërçovë, 7 shkurt – Sot, 07.02.2026, u mbajt mbledhja e parë me Liderin e Bashkimit Demokratik për Integrim, Ali Ahmeti, dhe kryetarin e ri të degës së BDI-së në Kërçovë, Dr. Arlind Sejdini, në prani të aktivistëve të BDI-së.
Në këtë takim u konfirmua njëzëri përkrahja e plotë e aktivit partiak për Kryetarin e Degës, duke shprehur unitet, përgjegjësi dhe gatishmëri për angazhim të përbashkët në funksion të riorganizimit dhe avancimit partiak në degën e BDI-së – Kërçovë.
Gjithashtu, në kuadër të riorganizimit dhe fuqizimit të strukturave, u njoftua për procesin e organizimit të ri të nëndegëve në të gjithë
territorin e Kërçovës. Ky proces synon rritjen e efikasitetit, përfshirjes dhe koordinimit më të mirë të aktiviteteve në çdo lagje dhe vendbanim, ku unanimisht u vlerësua se në afat prej 30 ditëve të mbahen kuvendet e nëndegëve dhe kuvendi i degës.
Aktivi i BDI-së në Kërçovë shpreh falënderim dhe konsideratë ndaj çdo anëtari dhe përkrahësi të përkushtuar ndaj parimeve dhe programeve
politike, të cilat gjithmonë janë në shërbim të çdo qytetari në vendin tonë.
