Shkup, 21 shtator, Zhurnal.mk – LDP kërkon nga Qeveria transparencë për misionin e Fetait në Bruksel, sipas të cilëve Fetai nuk shkonte në punë por në vend të ndëshkimit dhe kthimit të parave për pagën e pa merituar, mori avancim dhe funksion të trilluar në Bruksel si ‘përfaqësues special i Qeverisë’ pranë BE‑së.
“Punonjësi që nuk shkonte në punë, ish‑zëvendëskryeministri, në vend të ndëshkimit dhe kthimit të parave për pagën e pa merituar, mori avancim dhe funksion të trilluar në Bruksel si ‘përfaqësues special i Qeverisë’ pranë BE‑së. Dhe kështu mbeti pjesë e ‘elitës’ së paguar me paratë e popullit. Kjo është gjithçka që opinioni mësoi. Ndërkohë që çmimet rriten më shpejt se pagat dhe ndërkohë që mbi 70.000 denarë nevojiten për shpenzimet bazë mujore, Qeveria luksizohet dhe shpërdoron para të nxjerra nga populli për kënaqjen e tekeve personale dhe marrëveshjeve”, thonë nga LDP.
“Qytetarët dhe opinioni kanë të drejtë të dinë se cila është saktësisht misioni dhe roli i ‘përfaqësuesit special pranë BE‑së në Bruksel’, kur shteti ka përfaqësuesin e vet më të lartë me titull ambasador pranë BE‑së dhe tërë ambasadën në Bruksel? A nuk janë të mjaftueshëm ambasadori dhe të gjithë diplomatët në Bruksel? Kjo Qeveri shpiku edhe një Ministri të re për punë evropiane, e me këtë shpiku edhe zëvendësministër dhe sekretar shtetëror, të paguar shtrenjtë nga populli, me tërë kabinete, automjete, shpenzime zyrtare dhe shumë të punësuar të tjerë. A nuk është puna e tyre të jenë shpesh në Bruksel dhe të na përfaqësojnë pranë BE‑së, krahas pranisë së shpeshtë të ministrit të jashtëm po ashtu në Bruksel dhe pranë BE‑së?”
LDP kërkon nga Qeveria publikisht dhe në mënyrë transparente të njoftojë se cila është misioni special i Fetait në Bruksel, çfarë është ajo shtesë që do të punojë jashtë kapaciteteve ekzistuese dhe cilat janë pritjet për suksesin e misionit të tij? Po ashtu, qytetarët kanë të drejtë të dinë sa saktësisht kushton kjo “mision e shpikur për shpërdorim parash” për paga, kompensime, shpenzime e të ngjashme? Është e nevojshme opinioni të dijë nëse përfaqësuesi special punon sipas ligjit dhe i është i nënshtruar ambasadorit apo punon në mënyrë joligjore edhe në takime edhe në publikime?
Qytetarët janë të ngopur nga fakti që pushteti shpërdoron paratë e tyre për kënaqjen e ambicieve personale ose marrëveshjeve partiake. Kujtojmë milionat e eurove që fjalë për fjalë hidhen për organe shtetërore të panevojshme, për ministri të shpikura, për zëvendësministra, për zëvendësdrejtorë, për borde drejtuese dhe mbikëqyrëse të fryra dhe të tepërpaguara, për kabinete dhe luksizime. Kur nuk ka para për barna dhe terapi, kur nuk ka para për rritjen e ushqimit të studentëve, kur nuk ka para për uljen e TVSH‑së dhe akcizës së derivateve, kur nuk ka para për nevoja sociale, kjo është sepse dikush me vetëdije dhe qëllimisht shpërdoron paratë e popullit. Po të ishte vetëm skandali me festimin e pavarësisë do të ishim të lumtur.
LDP kërkon përgjigje, transparencë dhe ndërprerje të menjëhershme të shpërdorimit të vetëdijshëm të buxhetit të dobët të qytetarit”, thuhet në kumtesën e LDP.
