355
Organizata e Veteranëve të Luftës së UÇK-së (OVL-UÇK) ka njoftuar se mbi 19 mijë persona e kanë nënshkruar deri më sot, 26 shkurt, Peticionin Kombëtar të lansuar nga shoqatat e dala nga lufta.
Në njoftimin e publikuar, OVL-UÇK ka bërë të ditur se peticioni u drejtohet Dhomave të Specializuara të Kosovës në Hagë, në fazën përfundimtare të procesit gjyqësor ndaj ish-krerëve të Ushtrisë Çlirimtare të Kosovës: Hashim Thaçi, Kadri Veseli, Rexhep Selimi dhe Jakup Krasniqi, transmeton lajmi.net.
“Mbi 19 mijë mbështetës të UÇK-së kanë nënshkruar Peticionin Kombëtar. Bashkohu edhe ti”, thuhet në postimin e OVL-UÇK-së, përmes të cilit ftohen qytetarët të vazhdojnë mbështetjen.
