Shkup, 14 shtator Zhurnal.mk – Kryetari i Komunës së Çairit, Izet Mexhiti, sot qëndroi në lagjen Sahat Kulla, ku pa nga afër asfaltimin e një pjese të rrugës “Remzi Hoxha”, me sipërfaqe prej 850 m².
Asfaltimi është vazhdim i punimeve për përmirësimin e infrastrukturës në këtë pjesë të Çairit. Të gjitha objektet tashmë janë lidhur me sistemin e ri të ujësjellësit, ndërsa paralelisht po realizohet edhe çaktivizimi i rrjetit të vjetër.
“Sot po asfaltojmë një pjesë prej 850 m² të rrugës ‘Remzi Hoxha’, pasi paraprakisht të gjitha objektet i kemi lidhur me sistemin e ri të ujësjellësit. Pas përfundimit të këtyre punimeve vazhdojmë me asfaltimin dhe rregullimin e rrugëve të tjera në lagje. Sot ‘Remzi Hoxha’, nesër rrugët e tjera, në gjithë Çairin,” deklaroi Mexhiti.
Punimet do të vazhdojnë edhe në rrugët e tjera të Sahat Kullës, me qëllim përmirësimin e infrastrukturës dhe kushteve për banorët e kësaj lagjeje.
