408
Tiranë, 11 gusht, Zhurnal.mk – Shërbimi Meteorologjik Ushtarak bëri të ditur se vendi ynë ditën e martë do të ndikohet nga kushte atmosferike të qëndrueshme.
Moti parashikohet i kthjellët në të gjithë territorin e vranësira të pakta kalimtare në relievet
malore të vendit nga orët e mesditës deri ato të pasdites. Vranësirat në orët e mesditës e pasdite pritet të shoqërohen me reshje shiu lokale kryesisht në formën e pikave në relievet e larta malore të zonës së jugut.
Era do të fryjë me drejtim veriperëndim-verilindje me shpejtësi mesatare 5 m/s, përgjatë vijës bregdetare dhe zonat luginore era do të fitojë shpejtësi deri në 14 m/s shoqëruar me valëzim në dete të forcës 1-3 ballë.
