610
Shkup, 15 qershor, Zhurnal.mk – Ministria e Punëve të Jashtme dhe Tregtisë së Jashtme dënon ashpër incidentin që ndodhi sot, gjatë të cilit u dogjën automjete në pronësi të Ambasadës së Republikës së Bullgarisë në Shkup, transmeton Zhurnal.mk.
Në reagimin e saj, Ministria njofton gjithashtu se po ndërmerren masat përkatëse për zbardhjen e plotë të rastit dhe për përcaktimin e të gjitha rrethanave që lidhen me ngjarjen.
“Ministria e Punëve të Jashtme dhe Tregtisë së Jashtme i jep mbështetje të plotë institucioneve kompetente në drejtim të zhvillimit të një hetimi të shpejtë, efikas dhe transparent, me qëllim përcaktimin e përgjegjësisë dhe sanksionimin e duhur të autorit të veprës”, thuhet në reagim.//Zhurnal.mk
