Shkup, 14 shtator Zhurnal.mk – Integrimi evropian i vendit, agjenda e reformave dhe Plani i Rritjes për Ballkanin Perëndimor – procese dhe instrumente që ndikojnë drejtpërdrejt në zhvillimin ekonomik dhe cilësinë e jetës së qytetarëve – kanë qenë në fokus të takimit ndërmjet ministrit të Punëve të Jashtme dhe Tregtisë së Jashtme, Timço Mucunski, dhe ambasadorit të BE-së, Mihalis Rokas.
“Pasditen e sotme në Shkup zhvillova një takim me shefin e Delegacionit të Bashkimit Evropian, ambasadorin Mihalis Rokas. Konfirmuam interesin e përbashkët për mbështetjen e mëtejshme të proceseve reformuese, forcimin e kapaciteteve institucionale dhe zbatimin e qëndrueshëm të vlerave dhe standardeve evropiane”, shkroi Mucunski në profilin e tij në Facebook.
Duke theksuar përkushtimin e qartë të Qeverisë ndaj këtij procesi, Mucunski shtoi se edhe një herë theksoi se anëtarësimi i plotë në Bashkimin Evropian mbetet përcaktim strategjik i vendit.
“Shpreha kënaqësinë për dialogun e rregullt dhe të hapur politik me Bashkimin Evropian, si dhe për mbështetjen e vazhdueshme për proceset reformuese në vend”, theksoi Mucunski, duke shtuar se me ambasadorin e BE-së shkëmbyen mendime edhe për zhvillimet aktuale në kontinentin evropian, stabilitetin rajonal dhe kontributin e vendit në sigurinë më të gjerë evropiane.
