497
Tiranë, 14 gusht, Zhurnal.mk – Shqipëria e mirëpret nënshkrimin nga presidenti i Polonisë, Karol Nawrocki, të Marrëveshjes për Sigurimet Shoqërore mes dy vendeve.
Ministria për Evropën dhe Punët e Jashtme e vlerësoi këtë si një hap të rëndësishëm që u garanton qytetarëve shqiptarë njohjen e periudhave të punës dhe transferimin e kontributeve të tyre shoqërore edhe në Poloni.
Kjo marrëveshje i bashkohet marrëveshjeve të ngjashme që Shqipëria ka lidhur me vende si Italia, Gjermania, Austria, Belgjika, Franca, Zvicra, Hungaria, Kanadaja dhe të tjera.
Sipas MEPJ-së, marrëveshja garanton më shumë të drejta e mundësi për shtetasit shqiptarë që jetojnë jashtë vendit.
