Kërçovë, 6 janar – Zëvendëskryeministri dhe ministri i Transportit, Aleksandar Nikolloski, ka publikuar në profilin e tij në Facebook një video nate nga autostrada Ohër–Kërçovë, me të cilën thekson se pjesa më e madhe e kësaj autostrade është praktikisht e përfunduar. Ai njoftoi se 40 kilometra të kësaj trase tashmë janë vënë në funksion.
Në postimin e tij në Facebook, Nikolloski shkruan:
“Shikoni këtë video të bukur nate nga një pjesë e autostradës Ohër–Kërçovë.
40 kilometra tashmë janë në funksion.
Shpresoj që një numër i madh i qytetarëve të Maqedonisë do të udhëtojnë nëpër këtë autostradë drejt Jerusalemit Ballkanik – Ohrit, për këtë Krishtlindje.
Urime për të gjithë punëtorët e palodhur që u përkushtuan ndërtimit të saj!
Gëzuar Krishtlindjet dhe Badnikun, për shumë vite!”
