Tiranë, 25 maj, Zhurnal.mk – Ministri i Mbrojtjes, Ermal Nufi priti sot në Tiranë ministrin grek të Mbrojtjes, Nikos Dendias, me të cilin pati një bisedë të frytshme për forcimin e bashkëpunimit dypalësh mes dy vendeve.
Në takim u diskutua gjithashtu për vijimin e dialogut të ngushtë në fushën e mbrojtjes dhe sigurisë.
Në takim u rikonfirmua gjithashtu mbështetja e Greqisë për procesin e integrimit evropian të Shqipërisë, ndërsa të dy ministrat nënvizuan angazhimin e përbashkët për ruajtjen e stabilitetit dhe sigurisë në Ballkanin Perëndimor, i cili mbetet një prioritet strategjik për të dy vendet.
“Shqipëria vlerëson fort mbështetjen e vazhdueshme të Greqisë për rrugëtimin e saj evropian, ndërsa mbetemi të palëkundur në promovimin e stabilitetit dhe sigurisë rajonale, veçanërisht në Ballkanin Perëndimor – i cili mbetet prioritet strategjik i përbashkët i dy vendeve tona”, theksoi Nufi në një postim në rrjetet sociale.
