Protestuesit i vënë zjarrin godinës së Komisariatit nr. 2, ndërhyjnë forcat “Shqiponja”, shoqërohen disa persona

Tiranë, 14 tetor Zhurnal.mk – Protesta e studentëve në Tiranë vijon të shoqërohet me tensione, ndërsa këtë herë protestuesit i kanë vënë zjarrin godinës së Komisariatit të Policisë nr. 2., pranë “21 Dhjetorit”.

Pas incidentit, në zonë kanë ndërhyrë efektivët e forcave speciale “Shqiponja”, në përpjekje për të vënë situatën nën kontroll.

Siç shihet edhe nga pamjet, flakët janë përhapur në oborrin e godinës, ndërsa raportohet se gjatë ndërhyrjes së policisë ka pasur edhe protestues të shoqëruar.