Një risi e rëndësishme në fushën e teknologjisë dhe energjisë së pastër pritet të sjellë një zhvillim të ri në tregun e Maqedonisë së Veriut.
Pronarët e kompanisë PLC, të cilët kanë marrë përfaqësimin e firmës YUKR, morën pjesë në takimin profesional “Heat Pump Technology Exchange Meeting”, të organizuar në bashkëpunim me YVR & PLC Energy Group.
Në këtë prezantim u bë e njohur teknologjia e re e pompave termike, një produkt që, sipas përfaqësuesve, hyn për herë të parë në tregun e Maqedonisë së Veriut dhe që ka një veçori të veçantë: mundësinë e lidhjes dhe funksionimit në kombinim me panelet solare.
Kjo teknologji synon të krijojë mundësi të reja për shfrytëzimin e energjisë së rinovueshme, duke kombinuar sistemet moderne të ngrohjes me energjinë diellore.
Pjesëmarrja në këtë takim përfaqëson një mundësi të rëndësishme për shkëmbimin e përvojave, avancimin profesional dhe sjelljen e teknologjive bashkëkohore në tregun vendor.
PLC, përmes përfaqësimit të firmës YUKR, synon të sjellë një frymë të re në sektorin e energjisë dhe zgjidhjeve moderne për ngrohje, duke hapur rrugën për teknologji më inovative dhe shfrytëzim më efikas të energjisë.
