Rrëshqitja e dherave në aksin Përrenjas-Librazhd, drejtori i ARRSH: Nuk mund të them një afat kohor për ndërtimin e rrugës së re

Drejtori i ARRSH, Ami Kozeli, ka folur për ndërtimin e rrugës së re, pas rrëshqitjeve të dheut në aksin Përrenjas-Librazhd.

Ai u shpreh se nuk ka ende një afat kohor për përfundimin e hetimeve, teksa sërish përgënjeshtroi deklaratat se fenomeni ka ndodhur si pasojë e marrjes së inerteve në lumin Shkumbin.

“Ky aks i ri është 1.3 km nuk mund të them një afat konkret kohor. Përgënjeshtroj që fenomeni ka ndodhur si pasojë e marrjes së inerteve. IKMT ka zhvilluar kontrollet dhe nuk ka rezultuar që kjo ka ndodhur si pasojë e punimeve të kompanisë kontraktore. Në atë zonë prej vitesh ka erozion”, tha ai.