Shkup, 18 Maj, Zhurnal.mk – Zëvendës-Kryeministri Bekim Sali sot tha në kuvend se qeveria i është përvjellur punës për t’ua mundësuar studentëve shqiptarë që të hyjnë në provimin e jurisprudencës dhe provimeve të tjera të njëjta në gjuhën shqipe.
Ai këtë premtim e ritheksoi duke u përgjigjur në një pyetje të deputetës së BDI-së Rina Hajdari.
“Për herë të parë ekzekutivi qendror ka ndëgju zërin e studentit dhe i ka përvesh krahët që ta zgjidhë problemin e tyre një herë e përgjithmonë,” tha Sali.
“Provimi i jurisprudencës, dhe provimet e tjera të cilat kanë të bëjnë me natyrën e provimit të jurisprudencën, në të ardhmen do të jepen në gjuhën shqipe dhe jo është e vertetuar dhe këtë do ta dëshmojmë shumë shpejt para jush e para opinionit,” shtoi anëtari i qeverisë nga VLEN.
I pyetur për protestat e studentëve, Sali iu kundër-përgjigj Hajdarit e i tha se këto proteste janë reagim i normal i situatës së krijua pas 22 viteve mos-zgjidhje të problemeve të tyre, në kohën kur BDI ishte në pushtet.
“Përndryshe protestat e studentëve i pranojmë si revoltë normale dhe është e drejtë e tyre për të protestuar . ata nuk protestojnë për VLEN-in , protestojnë për frontin evropian dhe bdinë i cili për 22 vite nuk ka arritur një harmonizim të ligjit të bënë me këto ligje në fjalë,” tha Sali. / Zhurnal.mk
