Strugë, 7 shtator Zhurnal.mk – Në vend të 1 shtatorit, viti shkollor duhet të fillojë dy javë më vonë. Ky propozim vjen nga sektori i turizmit. Ata thonë se për shkak të kushteve të ndryshuara klimatike, sezoni turistik po fillon gjithnjë e më shumë në korrik dhe po zgjatë edhe javët e para të shtatorit. Ata thonë se nëse pushimet verore shkollore zgjaten, industria e turizmit do të përfitojë prej kësaj.
“Nëse shikoni shifrat, veçanërisht në fushën e mysafirëve vendas, mund të shihni se ka një përqendrim të mysafirëve vendas në qendrat tona turistike në korrik dhe gusht. Pra, zgjatja e saj për dy javë të tjera do të sillte efekte pozitive në turizmin hyrës. Autoritetet duhet të bëjnë llogaritje serioze dhe të shohin të gjitha efektet. Kjo çështje nuk duhet neglizhuar. Ne thjesht kemi nevojë për një qasje me të cilën do të vërtetonim se do të përfitonin të gjitha palët e prekura.” – Vlatko Sulev-Kryetar i Shoqatës Nacionale për Turizmin Hyrës.
Nga shoqata e Hotelierëve HOTAM, thonë se kjo temë është diskutuar me autoritetet, por nuk kanë marrë përgjigje. Ata përsëri thonë se do të kontaktojnë Qeverinë për ta shqyrtuar këtë çështje dhe për të filluar vitin shkollor më 15 shtator.
“Do të jetë mirë për turizmin. Ndjesia është se sapo fëmijët të fillojnë të shkojnë në shkollë më 1 shtator, më 2 shtator nuk ka më askënd në plazhe, dhe moti është më i bukur dhe uji është më i ngrohtë, në qershor uji është i ftohtë, ata nuk shkojnë në plazhe deri më 5-10 korrik. Shtatori është një muaj i mirë për të përdorur këto kushte.” – Kërste Blazheski – Kryetar i HOTAM.
Për shkak të motit të nxehtë dhe temperaturave të larta, javën e parë një orë mësimore ka zgjatur vetëm 20 minuta, ndërsa edhe plazhet janë ende të mbushura me njerëz.
