Shkup, 04 maj, Zhurnal.mk – Një organizatë joqeveritare mjedisore e Maqedonisë së Veriut ka bërë thirrje kryetares së të vendit të mos nënshkruajë ligjin e ndryshuar nga shumica parlamentare, hap ky legjislativ që vëhet pas një marrëveshjeje me qeverinë e SHBA-së për minierat me xehen Antimon në vend.
OJQ-ja ‘Lugina e Shëndetshme” i bëri thirrje Presidentes Gordana Siljanovska-Davkova të refuzojë ndryshimet e bëra javën e kaluar për arsye ligjore dhe mjedisore, shkruan Zhurnal.mk.
“Si avokat, ju e dini që ky ligj nuk është vetëm një bombë ekologjike, por edhe një precedent kushtetues”, shkroi OJQ-ja në një letër publike drejtuar Presidentit
Shoqata tha se ndryshimet e bëra në lidhje me licencat janë në shkelje të Kushtetutës mbi të drejtën e pronës.
“Ky ligj i lejon koncesionarit të marrë një leje pune përpara se të zgjidhë një mosmarrëveshje pronësore-juridike me pronarët e tokës. Kjo është një shkelje e drejtpërdrejtë e së drejtës së pronës të garantuar nga Kushtetuta. Ky ligj e vë shtetin në shërbim të kapitalit privat (shpesh të dyshimtë jashtë vendit), duke i lejuar atij të shkelë pronën e të tjerëve pa shpronësim përfundimtar. Nuk është sundim i ligjit, por një masakër ligjore për të cilën shteti do të paguajë (ose pronari ose koncesionari), dhe konflikte serioze do të ndodhin në terren për shkak të pasigurisë ligjore të pronës private”, thuhet në komunikatën për argumentin e parë.
“Kushtetuta thotë: “Çdokush është i detyruar të mbrojë dhe promovojë mjedisin”. Duke lehtësuar procedurat për minierat në pellgjet pjellore, shteti sakrifikon me vetëdije shëndetin e qytetarëve të tij për përfitimin e oligarkëve vendas dhe të huaj, siç është ai me kombësi bullgare me kapital nga Ishujt Kajman, por me një maskë zvicerane. Detyra juaj si president është të mbroni këtë interes kolektiv”, vazhdoi në komunikatë për argumentin mbi aspektet mjedisore.
“I kërkojmë Presidentes Siljanovska-Davkova të qëndrojë në anën e Kushtetutës dhe popullit. Mos e nënshkruani dekretin për këtë ligj! Mos e lini tokën maqedonase të bëhet pronë e oligarkisë në det të hapur, ndërsa fermeri të shndërrohet në qiramarrës në arën e tij”, tha OJQ-ja.
Partia opozitare LSDM ditë më parë ka bërë thirrje për një referendum në komunën e Krivo Palankës ku gjendet një nga minierat me xehen Antimon, por qeveria e Kryeministrit Hristijan Mickoski po e injoron thirrjen.
Në fillim të prillit, qeveria amerikane i ndau 5 milionë dollarë qeverisë së Mickoskit për të filluar nxjerrjen e xehes së antimonit në tre lokacione.
Antimoni përdoret për t’i bërë metalet e tjera më të forta.
Hulumtimet deri më tani thonë se antimoni gjendet në tre lokacione në Maqedoninë e Veriut: pranë Krivapalankës (Projekti Krstov Dol); në fshatin Lojane në komunën e Likovës; dhe në malet Kozhuf (miniera Alshar) në komunën e Kavadarit./Zhurnal.mk
