Shkup, 24 Prill, Zhurnal.mk – Kryetarja Gordana Siljanovska-Davkova sot doli kundër shtetësisë së dyfishtë për anëtarët e kuvendit e të qeverisë, e poashtu edhe për personin që e mbanë postin e kryetarit të vendit.
Ajo u tha mediave vendore sot se ky ndalim duhet që të rregullohet me ligj, duke iu bashkëngjitur kështu qëndrimeve të LSDM-së, e cila me propozimet e saja ndaj atyre të VMRO-DPMNE, tha se ndalim duhet që të vlejë për deputetët, qeveritarët, përderisa partia e Hristijan Mickoskit, ka propozuar që ky ndalim të bëhet vetëm për deputetët, dhe ata të kuvendit të ardhshem e jo të tashëm.
“Ekziston mundësia për të kufizuar shtetësinë e dyfishtë me ligj, dhe besoj se kjo duhet që të vlejë si për kryetari(en) ashtu edhe për ministrat”, tha Siljanovska-Davkova, raporton DW.
Sipas kryetares së vendit, me gjendjen aktuale të ligjit, nëse një zyrtar(e) i tashëm ka shtetësi të dyfishtë, i njëjti duhet që të tërhiqet nga detyra.
Më herët gjatë ditës, LSDM tha se VMRO-DPMNE tash e ka tërhequr propozimin e saj për ndalim shtetësie vetëm për deputetët e kuvendit të ardhshëm për konsultime më të detajuara me ekspertët ligjor e kushtetutes, ndërkohë që nuk ka një njoftim publik nga vet partia më e madhe në pushtet.
