Situata me protestat në Tiranë, Prezenca e OSBE në Shqipëri: Jemi të gatshëm të lehtësojmë dialogun gjithëpërfshirës

Prezenca e OSBE-së në Shqipëri ka reaguar në lidhje me situatën e krijuar në vend, duke shprehur mbështetje për mesazhin e Presidentit Bajram Begaj.

Në mesazhin e publikuar, OSBE bën thirrje për qetësi dhe dialog gjithëpërfshirës.

Më tej, ata shprehin gatishmërinë për të ndihmuar në lehtësimin e një dialogu të tillë nëse do t’u kërkohet.

Reagimi i plotë:

Prezenca e OSBE-së në Shqipëri mirëpret mesazhin e sotëm të Presidentit Begaj.

Ne i bashkohemi thirrjes për qetësi dhe dialog gjithëpërfshirës dhe jemi të gatshëm të ndihmojmë në lehtësimin e një dialogu të tillë, nëse na kërkohet.