Pekin, 13 maj Zhurnal.mk – Presidenti i SHBA-së, Donald Trump mbërriti sot në Pekin, përpara një samiti me çështje të mëdha globale që do të diskutohen me homologun e tij kinez, Xi Jinping, duke filluar nga tregtia ndërkombëtare deri te marrëveshja bërthamore e Iranit dhe Tajvani.
Kjo është vizita e parë e një presidenti të SHBA-së në Kinë që kur vetë Trump bëri udhëtimin në nëntor 2017.
Xi do ta presë nesër Trumpin me shumë pompozitet, në orën 10:00 sipas orës lokale, (02:00 GMT) në Sallën e Madhe të Popullit në sheshin ”Tiananmen”, selia e pushtetit në zemër të kryeqytetit.
Pritja bujare dhe gjestet e konsideratës së treguara ndaj një mysafiri që e shtyu këtë udhëtim, fillimisht të planifikuar për në fund të marsit, për shkak të luftës në Iran, nuk do t’i zhdukin mosmarrëveshjet e shumta që i presin dy udhëheqësit pas dyerve të mbyllura.
Trump, me sa duket i përqendruar në biznes, ka marrë me vete një numër drejtuesish biznesi, përfshirë Elon Musk, kreun e Tesla dhe SpaceX dhe njeriun më të pasur në botë, Tim Cook dhe Kelly Ortberg, drejtorët ekzekutivë të ”Apple” dhe ”Boeing”, dhe Jensen Huang, kreun e gjigantit amerikan të çipave ”Nvidia”.
”Kina mirëpret vizitën shtetërore të presidentit Trump”, tha zëdhënësi i Ministrisë së Jashtme kineze, Guo Jiakun.
