Vdes 58-vjeçari, shoferi 19-vjeçar ishte i dehur

Një 58-vjeçar humbi jetën dhe një person tjetër u lëndua në një aksident të rëndë trafiku që ndodhi rreth orës 02:00 të mëngjesit në rrugën magjistrale Strumicë–Radovish, pranë fshatit Radichevë, në komunën e Vasilevës.

Në aksident u përfshinë një veturë „Peugeot“, e drejtuar nga një 19-vjeçar nga Zleova, dhe një „Mitsubishi“, që drejtohej nga viktima, me inicialet R.S., nga fshati Dobrejcë.

Nga plagët e marra, 58-vjeçari ndërroi jetë në vendin e ngjarjes, ndërsa një pasagjer 36-vjeçar u lëndua.

Policia konstatoi se shoferi 19-vjeçar i „Peugeot“-s drejtonte automjetin nën ndikimin e alkoolit, me 1,32 promilë në gjak. Ai u privua nga liria, ndërsa rasti po dokumentohet nga autoritetet.