Shkup, 16 shkurt – Rritja e kritereve për marrjen e subvencioneve dhe kontrolle më të përforcuara në terren të përfituesve të mbështetjes financiare, paralajmëroi sot ministri i Bujqësisë, Pylltarisë dhe Ekonomisë së Ujrave, Cvetan Tripunovski.
Tripunovski, i cili në brifing me gazetarët, përmblodhi aktivitetet e deritanishme dhe të ardhshme të Ministrisë së Bujqësisë, shpjegoi se kontrollet nuk do të jenë tendencioze në asnjë mënyrë, ndërsa do të kryhen sepse janë identifikuar përfituesit e subvencioneve të cilët në përgjithësi nuk i kanë kultivuar hapësirat.
“Të rritet prodhimi i ushqimit dhe subvencionet të kenë efekt, është qëllimi i reformave bujqësore që filluan vitin e kaluar. Është e palogjikshme të kesh miliona euro mbështetje dhe megjithatë të shohësh një rënie të prodhimit. Po rriten dhe kriteret minimale për përdorimin e burimeve financiare sepse duam të stimulojmë fermerët e vërtetë dhe aktivë. Ata duhet të kenë mbështetje”, nënvizoi Tripunovski.
Duke iu referuar ndryshimeve të planifikuara të cilat ende nuk janë zbatuar, ministri theksoi njërën prej tyre – se programi i ri i mbështetjes nuk do të subvencionojë grurin nëse nuk përdoret material farë e certifikuar.
