Shkup, 21 maj, Zhurnal.mk – Bashkëkryetar i VLEN-it, Bilall Kasami thotë se aktualisht shumica parlamentare nuk ka nevojë për zgjerim të numrave, përcjell TV21. Duke komentuar deklaratat e Ziadin Selës në Click Plus në TV21, Kasami tha se do t’i marrin parasysh kërkesat e tij, kur të kenë nevojë.
“Z. Sela nëse është i interesuar të jetë pjesë e qeverisë…sigurisht që ne kemi thënë se për momentin nuk shohim nevojë për zgjerim të shumicës parlamentare, por po të shohim një nevojë të tillë, do t’i konsiderojmë edhe kërkesat e z.Selës. Për momentin them edhe njëherë, nuk është se i kemi konsideruar ne si të tilla..ne..janë ata të cilat i kemi dëgjuar në opinion, që ai i ka bërë, por nuk i kemi konsideruar sepse për momentin nuk vlerësojmë që shumica parlamentare ka nevojë për zgjerim të numrave”, theksoi Kasami.
