Tiranë, 21 maj, Zhurnal.mk – Komisioneri Shtetëror i Zgjedhjeve gjatë seancës së sotme publike plotësoi vakancat e krijuara në dy këshilla bashkiakë.
Sipas KSHZ-së u plotësua vakanca në Këshillin e Bashkisë Korçë me kandidatin nga lista shumemërore e “Partisë Socialiste të Shqipërisë”, Dejvi Hoxha dhe vakanca në Këshillin e Bashkisë Divjakë me kandidatin nga lista shumemërore e “Partisë Agrare Ambjentaliste të Shqipërisë”, Drita Metani.
Gjithashtu, u vijua shqyrtimi shqyrtimi administrativ i rezultatit të verifikimit për subjektin vetëdeklarues, Kreshnik Hajdari, kryetar i Bashkisë Kuçovë, i propozuar nga subjekti zgjedhor “Partia Socialiste e Shqipërisë”.
Pala e interesuar, avokati i Lefter Maliqit kërkoi përjashtimin e Komisionerit Shtetëror të Zgjedhjeve nga shqyrtimi i kësaj çështje, me argumentin e konfliktit të interesit, si organi që e ka shqyrtuar dhe ka vendimmarrje të mëparshme për objektin e kësaj çështjeje. KSHZ vendosi pranimin e kësaj kërkese.
Koalicioni “Bashkë Fitojmë” ka kërkuar pranë KQZ-së heqjen e mandatit të kryebashkiakut të Kuçovës, i cili akuzohet për fshehje të formularit të dekriminalizimit, pasi nuk deklaroi një dënim në Greqi.
Ndërkohë, me kërkesë të partive politike për më shumë kohë për të studiuar raportin, u shty shqyrtimi i raportit të gjetjeve nga auditimi i fondeve të përfituara dhe shpenzuara nga subjektet zgjedhore pjesëmarrëse në zgjedhjet për Kuvend, të datës 11 maj 2025.
