mimet e naftës janë rritur më shumë se 3% të hënën, më 13.07.2026 në bursë, pasi sulmet e ripërtërira ushtarake ndërmjet Shteteve të Bashkuara dhe Iranit ringjallën shqetësimet për dërgesat e energjisë përmes Ngushticës së Hormuzit, raporton Reuters.
Kontratat e së ardhmes së naftës së papërpunuar Brent u rritën me 2.67 dollarë, ose 3.51%, në 78.68 dollarë në mëngjes, ndërsa nafta e papërpunuar e Teksasit Perëndimor të SHBA u rrit 2.48 dollarë ose 3.47 për qind në 73.89 dollarë për fuçi.
“Operatorët e transportit detar po përshtatin një qasje të kujdesshme dhe lëvizjet në hyrje janë ngadalësuar me shqetësimet e shtuara të sigurisë” – kanë thënë analistët e ANZ-së.
Furnizimi global i naftës u rrit me 4.1 milionë fuçi në ditë në qershor pas marrëveshjes, por mbeti 9.4 milionë fuçi në ditë nën nivelet e paraluftës, ka njoftuar Agjencia Ndërkombëtare e Energjisë në raportin e saj mujor të publikuar të premten.
Përgatiti: Rexhep Maloku – Kallxo.com
