Shkup, 18 gusht, Zhurnal.mk – Për ta parë matricën politike të mbeturinës së LSDM-së, nuk nevojitet shumë kohë – aq janë sipërfaqësorë, saqë mjaftojnë vetëm disa ditë. Metoda e tyre është e qartë: fillimisht krijojnë dyshim, më pas shpërndajnë panikë dhe dezinformata, dhe kur në fund institucionet kompetente me fakte i demantojnë, nga mbeturina e LSDM-së që me qëllim e bën këtë, nuk ka as falje, as përgjegjësi, thuhet në kumtesën e VMRO-DPMNE-së.
„Sjellja e tillë e mbeturinës së LSDM-së nuk është sjellje e një opozite përgjegjëse, por tentim i qëllimshëm që përmes krijimit të mosbesimit të qytetarëve ndaj institucioneve të fitojnë poena të lirë politikë.
Në periudhën e kaluar u plasuan pretendime lidhur me sigurinë e ujit në Shkup, të cilat me fakte, dokumente dhe dëshmi u demantuan nga institucionet kompetente. Ndërkohë, analizat e fundit në Gostivar treguan se uji sërish është i sigurt për pije, ndërsa institucionet vazhdojnë ta ndjekin gjendjen.
Në vend që t’i përshëndesë informacionet se problemi është tejkaluar, LSDM-ja tradhtare dhe mbeturina që ka mbetur në të, vazhdon me përpjekje për të krijuar dyshime dhe shqetësim tek qytetarët.
Këtu shtrohet një pyetje e thjeshtë: pse LSDM-së i pengon dhe kundërshton çdo konfirmim se institucionet funksionojnë dhe se problemet zgjidhen?
Është shumë e qartë se, pa politikë konkrete dhe pa zgjidhje, me shumë probleme, në frikë dhe kaos, LSDM-ja përpiqet nga çdo temë të krijojë krizë politike.
Qytetarët meritojnë informata të sakta dhe fakte, e jo skenarë për krijimin e frikës dhe panikut që i sajojnë shokët e LSDM-së, ndërkohë që Venko Filipçe me mentorin e tij, Zoran Zaev, shijojnë në jahtin në Paljuri, në Greqi.
Uji në Gostivar është i sigurt për pije, gjendja monitorohet, ndërsa përfitimi politik përmes shpërndarjes së panikut nuk mund ta zëvendësojë politikën e përgjegjshme.
LSDM-ja duhet të kuptojë se besimi tek qytetarët ndërtohet me fakte, përgjegjësi dhe zgjidhje, e jo me shpërndarje histerie, dezinformata dhe kriza të sajuara“, thuhet në kumtesën e VMRO-DPMNE-së.
