Shkup, 18 shtator, Zhurnal.mk – Kryetari i LSDM, dr. Venko Filipçe, në emisionin “Vetëm intervistë”, në televizionin Kanal 5, theksoi se pushteti shpenzoi 5,5 milionë euro për David Guetta, në kushte kur vreshtarët përballen me probleme serioze me grumbullimin e rrushit. Filipçe vuri në dukje se i gjithë problemi me grumbullimin e rrushit do të ishte zgjidhur vetëm me 5,5 milionë euro, por Qeveria nuk merr masa për t’u ndihmuar vreshtarëve ndërsa rrushi u kalbet në vreshta.
“Pse nuk u shpenzuan 5,5 milionë euro për bujqit? I gjithë problemi me grumbullimin, tani të rrushit, do të ishte zgjidhur me 5,5 milionë euro. E tani rrushi kalbet në plantacione. Grumbulluesit nuk e blejnë rrushin, dhe Qeveria nuk ka masë dhe aspak nuk reagon.” – tha Filipçe.
Në intervistë, Filipçe theksoi se gjendja në bujqësi është pjesë e krizës më të gjerë në të cilën ndodhet shteti me VMRO‑në në pushtet, duke përmendur standardin e ulët, varfërimin e qytetarëve dhe problemet në disa sektorë.
“Kriza financiare dhe ekonomike në të cilën ndodhemi, borxhi i tepërt, si kurrë më parë që nga pavarësia, gati 12 miliardë euro, ndërsa Qeveria e VMRO trashëgoi 8 miliardë euro borxh, standardi i ulët dhe varfërimi i qytetarëve, problemet dhe katastrofa që ndodhin në çdo sektor, në bujqësi, në arsim dhe në shëndetësi, mendoj se është një periudhë kaq kritike që duhet t’i kushtojmë shumë vëmendje dhe të flasim shumë me kujdes, sepse është e mundur që shteti të nisë krejtësisht në drejtim në të cilin nuk kemi lëvizur që nga viti ’91 e këtej” – tha Filipçe.
