Shkup, 25 shtator, Zhurnal.mk – Qytetarët sot përballen me rënie serioze të standardit të jetesës, ndërsa në vend të masave konkrete marrin fraza boshe dhe premtime të papërmbushura nga pushteti, akuzoi kryetarja e Forumit të grave të LSDM‑së, Kaja Shukova, në paraqitjen e saj në “24 Analiza”.
Shukova theksoi se veçanërisht shqetësojnë politikat ekonomike dhe sociale dhe fakti që pushteti nuk sjell masa që realisht do t’u ndihmonin qytetarëve.
“Shumë shqetësojnë masat ekonomike dhe sociale që nuk merren në shtet. Qytetarët duan jetë më të bukur, jetë më të denjë. Duan pagë më të lartë, për shkak se shporta është gati 70.000 denarë, e nëse jetoni me qira është 90.000 denarë, ndërsa paga minimale është 26.000 denarë. Dy paga të tilla kur i bashkon, nuk janë as shporta minimale. Pushteti le t’u shpjegojë qytetarëve si jetohet me fraza boshe, e jo me pagë prej 26.000 denarësh”, porositi Shukova.
Ajo shtoi se qytetarët presin zgjidhje konkrete, e jo vetëm premtime deklarative, duke theksuar se nuk janë ndërmarrë masa që do ta ndalonin rritjen e çmimeve të produkteve bazë.
Shukova kujtoi edhe masat sociale të vendosura në periudhën kur LSDM ishte në pushtet, ndër të cilat shtesat për fëmijët dhe arsimin, ndihma gjatë krizës energjetike dhe ndihma e njëhershme për përfituesit, duke theksuar se për këto masa ishin ndarë 2,6 miliardë euro.
Ajo kujtoi edhe gënjeshtrat dhe premtimet e VMRO‑së të dhëna para zgjedhjeve, duke theksuar se kanë mbetur të parealizuara pothuajse në të gjitha fushat – nga reformat politike dhe depolitizimi i administratës publike deri te premtimet për luftë të fortë kundër korrupsionit.
“Le t’u thotë VMRO qytetarëve cilën masë e kanë sjellë për luftë kundër korrupsionit”, porositi Shukova.
