Përplasje pas aksidentit, 65-vjeçari sulmohet fizikisht në Tearcë

Shkup, 28 shtator, Zhurnal.mk – Një mosmarrëveshje pas një aksidenti komunikacioni ka përfunduar me sulm fizik në rajonin e Tearcës.

Sipas policisë, A.E. (65) nga fshati Shemshovë ka denoncuar se rreth orës 11:15, në vendin e quajtur “Vrbica”, përgjatë rrugës Përshevcë–Jegunovcë, është goditur nga I.R. nga fshati Përshevcë.

Denoncuesi kishte ndërhyrë për të parandaluar një konflikt verbal ndaj një pjesëmarrëseje në aksident, ndërsa i dyshuari e kishte sulmuar fizikisht, por ishte penguar nga qytetarët e pranishëm dhe ishte larguar nga vendi i ngjarjes.

Policia po punon për zbardhjen e plotë të rastit.