Shkup, 30 shtator, Zhurnal.mk – Ministrja e Arsimit dhe Shkencës, Vesna Janevska, duke iu përgjigjur pyetjeve të gazetarëve pas vënies në përdorim të konviktit studentor të rinovuar “Stiv Naumov” në Shkup, konfirmoi se në Ministri kanë arritur dy iniciativa për përmirësimin e standardit studentor, për të cilat aktualisht po bëhen analiza dhe llogaritje.
Duke u ndalur tek kërkesat dhe mundësitë buxhetore, ministrja Janevska theksoi:
– Ne i analizojmë dhe bëjmë llogaritje dhe unë shpresoj se do të gjejmë zgjidhje në kuadër të mundësive tona buxhetore dhe kjo do t’u bëhet e ditur studentëve. Unë gjithashtu disa herë kam thënë se do të ketë prioritete dhe ja, ky është prioritet – jetesa e tyre dhe kushtet e tyre për të mësuar janë prioritet. Për një muaj e gjysmë do të shihemi në Kuzman dhe këto janë, unë i kam thënë mjetet që shpenzohen.
Ministrja shtoi se në periudhën e kaluar është investuar edhe në pajisjen e laboratorëve fakultetesh:
– Pra, mjetet demonstrative, ku ata mësojnë dhe punojnë. Kështu që besoj se edhe të gjitha kërkesat e tyre me kalimin e kohës do t’i përmbushim, përsëris, në kuadër të mundësive buxhetore.
Duke theksuar se akomodimi po zhvillohet sipas planit, Janevska konfirmoi se të gjithë studentët e rregullt që i plotësojnë kushtet do të marrin vendin e tyre në konvikte.
