Shkup, 20 tetor, Zhurnal.mk – SDSM i deklasuar në Bërvenicë 4 me 1, Filipçe dhe kolegët e tij festojnë sikur të kishin ardhur në pushtet. Mbështetja e madhe që SDSM e mori nga qytetarët e Bërvenicës është me përmasa deri më tani të papara dhe është më e vogël se në zgjedhjet lokale të kaluara. Por, megjithatë Filipçe dhe shokët e tij e festuan këtë si sukses, deklaroi Valentin Manasievski, zëdhënës i VMRO‑DPMNE.
Ai tha se VMRO‑DPMNE ka realizuar fitore bindëse prej rreth 3.000 votash ose afërsisht 40% të votave, ndërsa SDSM ka marrë 707 vota ose rreth 9%.
„Ose në përkthim, SDSM u deklasua nga VMRO‑DPMNE 4 me 1. SDSM me Filipçen erdhi në stadin që të gëzohet për vendin e 4‑të në zgjedhjet lokale. Rejtingu i tyre është minor, kredibilitetin e kanë humbur prej kohësh, e askush përveç miqve të Zaevit nuk i jep mbështetje Filipçes. Por, megjithatë, pavarësisht të gjitha rregullave dhe parimeve demokratike, ne nuk mendojmë se Venko Filipçe duhet të japë dorëheqje. Për ne, Filipçe është zgjidhja më e mirë për kryetar të SDSM. Përderisa Filipçe e udhëheq SDSM‑në në drejtimin e Zaevit, qytetarët do ta njohin këtë dhe do të japin mbështetje të madhe për VMRO‑DPMNE, ndërsa ne do të vazhdojmë më tej të realizojmë projekte dhe masa në interes të qytetarëve“, tha Manasievski.
