Shkup, 20 tetor, Zhurnal.mk – Nëse nuk kthehemi drejt vlerave familjare dhe familjeve me shumë fëmijë, ekonomia maqedonase do të jetë e para që do të përballet me pasojat, theksoi sot kryeministri Hristijan Mickoski.
Ai e komentoi deklaratën e zëvendëskryeministrit dhe ministrit të transportit, Aleksandar Nikoloski, i cili theksoi se deri në vitin 2030 vendit çdo vit do t’i duhen nga 50.000 punëtorë të huaj për të ruajtur nivelin aktual të Produktit të Brendshëm Bruto (PBB).
I pyetur nga gazetarët pas promovimit të projektit për furnizimin e 100 ambulancave të reja, kryetari i Qeverisë nënvizoi se mbetet në mbështetje të politikave demografike dhe familjare, duke theksuar se gjendjet kërkojnë analiza të thelluara.
“Unë kur flisja para një viti e gjysmë, dy për vlerat familjare, për fertilitetin, atëherë më bënë se jam i prapambetur, se jam retrograd, se nuk di çfarë flas dhe çfarë nuk lexova për veten time, por për fat të keq ai sfidë mbetet edhe më tej. Dhe ajo që e theksonte nënkryetari i Qeverisë dhe ministri i transportit, ndoshta është edhe vlerë e nënvlerësuar, ndoshta do të na duhen shumë më tepër për ta mbajtur aktivitetin ekonomik”, shtoi Mickoski.
Kryeministri u ndal edhe te praktika në vendet e Evropës Perëndimore, ku për ruajtjen e aktivitetit ekonomik dhe rritjen e PBB‑së çdo vit jepen një numër i madh lejesh pune për migrantë.
“Prandaj, sado që duan të më tallin, unë do të mbetem te ato politika familjare, te familjet me shumë fëmijë dhe te politikat që nënkuptojnë të ardhme për Maqedoninë si shtet dhe vende të reja pune për punëtorin maqedonas dhe ekonomi maqedonase më konkurruese që do të rritet”, potencoi kryeministri Mickoski.
