Anjeza në gjendje të rënduar emocional, plas në vaj pas debatit me Fatlumin në Big Brother VIP Kosova 5

Nga D V
A+ A-
Rivendos

Një përplasje e ashpër mes Anjezës dhe Fatlumit në shtëpinë e “Big Brother VIP Kosova 5” ka përfunduar me lot për banoren.

Menjëherë pas debatit, Anjeza nuk ka arritur t’i përmbajë emocionet dhe ka shpërthyer në lot, duke u shprehur se nuk mund ta përballojë më situatën.

Në ato momente, pranë saj qëndruan Sharri dhe Edita, të cilët u përpoqën ta qetësonin dhe ta këshillonin që të mos reagonte aq ashpër ndaj provokimeve të Fatlumit.

– YouTube  youtu.be

Gjatë bisedës, Anjeza tha se po i dhimbsej personi që e pret jashtë shtëpisë, ndërsa Edita i sugjeroi të ndryshonte mënyrën se si po përballej me situatat brenda lojës.

“Ndërroje lojën, Anjezë! Thuaja që nuk ke dikë jashtë. Nuk e kisha menduar që Fatlumi do të të sillte në këtë gjendje. Ai është në nominim dhe dëshiron të shpëtojë. Ndërroja lojën”, i tha Edita.

E gjithë përplasja kishte nisur pasi Fatlumi i ishte drejtuar Anjezës me një deklaratë personale, duke i thënë se po të ishte në vendin e partnerit të saj, do ta linte.

Kjo deklaratë nxiti reagimin e menjëhershëm të Anjezës, e cila nuk i kurseu fjalët e ashpra ndaj banorit.

“Je pis mashkull! Le të më lërë burri, ku po ju dhemb juve? Ku e ke problemin? Çfarë jeni ju? Le të më lërë! Je pis mashkull! Ti e kishe mbytur femrën. Një njeri si ti e tradhton gruan 20 herë në ditë. Je duke gënjyer dhe duke më lënduar. Je i pafytyrë! Nuk kam thënë që nuk jam më rehat single”, ishte reagimi i saj.

Pas gjithë kësaj përplasjeje, Anjeza u pa e prekur emocionalisht, ndërsa lotët e saj u bënë pjesë e një tjetër momenti të tensionuar në shtëpinë e BBVK 5.

– YouTube  youtu.be

artikuj të ndërlidhura

Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi. Pranoj Lexo më tepër