Shkup, 5 qershor, Zhurnal.mk – Kryetari i BDI-së, Ali Ahmeti, ka marrë pjesë në pritjet e organizuara me rastin e ditëve nacionale të Mbretëria e Suedisë dhe Republika e Italisë, vende mike dhe partnere të Republika e Maqedonisë së Veriut në rrugëtimin e saj drejt integrimit evropian.
Sipas njoftimit nga kabineti i Ahmetit, pjesëmarrja në këto aktivitete u realizua me ftesë të ambasadorëve Ola Solström dhe Paolo Palminteri.
Me këtë rast, Ahmeti përcolli urimet e tij për qytetarët e Suedisë dhe Italisë, duke vlerësuar marrëdhëniet e mira ndërmjet vendeve dhe mbështetjen që këto dy shtete i kanë ofruar Maqedonisë së Veriut ndër vite.
Në njoftim thuhet se ai shprehu mirënjohje për kontributin e vazhdueshëm të Suedisë dhe Italisë në proceset demokratike, zhvillimore dhe integruese të vendit, duke theksuar rëndësinë e partneritetit me shtetet evropiane në avancimin e reformave dhe përmbushjen e synimeve strategjike të Maqedonisë së Veriut.
