872
Pas deklaratave të ministrit për Komunitete dhe Kthim, Nenad Rashiq, lidhur me 24 hektarë tokë që u kthyen në emër të Manastirit të Deçanit, ka reaguar Blerta Deliu-Kodra e PDK-së.
Ajo ka thënë se çështja që dikur përdorej për dramë politike është realizuar me një vendim të thjeshtë.
“Për vite dëgjuam akuza për “tradhti” për tokën e Manastirit të Deçanit. Sot ministri Nenad Rashiq tregon se si u mor vendimi: Albin Kurti i kishte thënë, ‘Do ta bëjmë, por ta dish, për shkakun tënd.’ Ajo që dikur përdorej për dramë politike, në pushtet u bë një vendim i thjeshtë. Kaq serioze paska qenë gjithë ajo dramë politike”, ka shkruar Deliu-Kodra në Facebook.
