Trazirat janë regjistruar mbrëmjen e kësaj të shtunë në Fshatin Olimpik në Milano. Rreth 5,000 persona demonstruan kundër Lojërave Olimpike Dimërore Milano-Kortina.
Demonstrata u organizua në shenjë proteste kundër shpyllëzimit të regjistruar në Cortina d’Ampezzo, për të ndërtuar infrastrukturën olimpike, si dhe në shenjë proteste kundër përjashtimit të atletëve transgjinorë nga Lojërat.
Shumica e pjesëmarrësve në marshim demonstruan në mënyrë paqësore. Pak para përfundimit të tij, njerëz me fytyra të mbuluara filluan të hidhnin fishekzjarre dhe bomba tymi drejt policisë, e cila u përgjigj me topa uji dhe gaz lotsjellës.
Pesë protestues janë arrestuar deri më tani dhe janë dërguar në selinë e policisë pas përleshjeve në zonën e Corvetos. Pasi policia italiane u kundërpërgjigj, protestuesit u tërhoqën.
