Interpelanca për ministrin Pançe Toshkovski sot në seancë plenare të Kuvendit

Shkup, 24 qershor, Zhurnal.mk – Kuvendi i Maqedonisë së Veriut do të mbajë sot seancën e 106-të plenare, në rendin e ditës së së cilës është interpelanca për punën e ministrit të Punëve të Brendshme, Pançe Toshkovski.

Interpelanca është dorëzuar nga deputetët e partisë “E Majta”, të cilët kërkojnë debat parlamentar për punën dhe përgjegjësinë politike të ministrit të Brendshëm.

Gjatë seancës, deputetët pritet të diskutojnë argumentet e paraqitura në interpelancë, ndërsa ministri Toshkovski do të ketë mundësinë t’u përgjigjet vërejtjeve dhe pyetjeve të ngritura.