Ish-presidenti amerikan Bill Klinton dhe bashkëshortja e tij Hillari kanë kërkuar që dëshmitë e tyre në Kongres mbi lidhjet me trafikantin e dënuar të seksit, Jeffrey Epstein, të mbahen publikisht, për të parandaluar sipas tyre që republikanët ta politizojnë çështjen.
Demokratët thonë se hetimi po përdoret si armë për të sulmuar kundërshtarët politikë të presidentit Donald Trump, vetë një bashkëpunëtor i hershëm i Epstein, i cili nuk është thirrur për të dëshmuar në vend që të kryejë mbikëqyrje legjitime.
Bill Clinton shfaqet rregullisht në dosje, por nuk ka dalë në dritë asnjë provë që implikon asnjërin prej tyre në aktivitet kriminal. Ish-presidenti ka pranuar se ka fluturuar me aeroplanin e Epstein në fillim të viteve 2000 për punë humanitare të lidhur me Fondacionin Clinton, por tha se nuk e ka vizituar kurrë ishullin privat të Epstein.
Kryeministri i Izraelit, Benjamin Netanyahu deklaroi prerazi se Jeffrey Epstein “nuk ka punuar për Izraelin”, por në të njëjtën kohë, e përdori vëmendjen e ripërtërirë ndaj dosjeve Epstein për të sulmuar paraardhësin e tij Ehud Barak. Sipas mediave izraelite, Barak dhe Epstein rezulton të jetë takuar disa herë në 2015 dhe 2016.
Ndërkohë Departamenti i Drejtësisë i SHBA-së (DOJ) ka rënë dakord t’u lejojë anëtarëve të Kongresit të shohin versionet e paredaktuara të më shumë se 3 milion faqeve të dosjeve të publikuara. Ligjvënësit do të jenë në gjendje të rishikojnë dokumentet e paredaktuara në kompjuterët e Departamentit të Drejtësisë duke filluar nga e hëna. Deri tani janë publikuar miliona materiale kurse shumë të tjera janë tërhequr për shkak të ankesave të avikatëve të viktimave mbi bazën e zbulimit të identitetit.
