Shkup, 3 shtator, Zhurnal.mk – Një tjetër rast që ngre shqetësim në Kumanovë – foshnja 9-muajshe u dërgua në spital pas dyshimeve se kishte pirë detergjent
Një foshnjë vetëm 9 muajshe nga një fshat i Likovës është dërguar dje në Spitalin e Përgjithshëm të Kumanovës, pasi prindërit dyshuan se fëmija kishte pirë detergjent.
Rasti është raportuar më 2 shtator 2026, rreth orës 18:52, në SPB Kumanovë.
Nga spitali sqarojnë se prindërit e kanë sjellë foshnjën nga frika se kishte konsumuar detergjent, por pas kontrollit është konstatuar se fëmija është në gjendje të mirë shëndetësore dhe nuk ka pasur futje të substancës së rrezikshme në organizëm.
Megjithatë, rasti ka tërhequr vëmendje për shkak të një të dhëne shqetësuese: ky është rasti i gjashtë brenda një muaji ku një fëmijë në rajonin e Kumanovës është raportuar i ekspozuar ose i dyshuar për helmim me ndonjë substancë të rrezikshme.
Policia ka njoftuar se po ndërmerren masa për zbardhjen e rasteve.
