Shkup, 11 shtator Zhurnal.mk – Nesër te Ngrohtorja në Çair do të lëshohen në mënyrë solemne kapacitetet e reja kogenerative të kompanisë “TESSA Energy”. Në solemnitet do të marrin pjesë kreu shtetëror dhe komunal. Me këto kapacitete sigurohet ngrohje më e lirë dhe ekologjike për Çaitin dhe Butelin.
Në kuadër të grupacionit Tessa Group nis një kapitull i ri në sektorin e energjetikës, nën markën Tessa Energy.
Ky hap nuk përfaqëson vetëm një ndryshim të imazhit, por mbi të gjitha simbolizon bashkimin, vizionin dhe përparimin e vazhdueshëm të kompanisë.
Si shtyllë energjetike e grupacionit, Tessa Energy është e përkushtuar në krijimin e zgjidhjeve ekologjike, efikase dhe ekonomike, të cilat synojnë të kontribuojnë në përmirësimin e cilësisë së jetës dhe në krijimin e një mjedisi më të pastër.
“Motori” kryesor i Tessa Energy është Energy Ecolink, termocentrali që furnizon me ngrohje banorët e komunave Çair dhe Butel. Kompania synon të hapë një epokë të re të stabilitetit energjetik, sigurisë dhe zhvillimit të qëndrueshëm në Shkup.
Energy Ecolink hyri plotësisht e përgatitur në sezonin e ngrohjes, duke u siguruar përdoruesve furnizim të qëndrueshëm me ngrohje. Kompania thekson se ngrohja nuk është luks, por nevojë e përditshme dhe se do të vazhdojë me zhvillimin dhe inovacionet për t’iu përgjigjur nevojave të tregut dhe pritshmërive të konsumatorëve.
Në Tessa Energy janë investuar më shumë se 2 milionë euro, ndërsa me këtë investim Shkupi do të përfitojë një impiant të ri kogjenerues me gaz, i cili do të prodhojë në mënyrë të kombinuar energji termike dhe elektrike. Projekti parashikon lidhjen e pajisjeve me rrjetin e gazsjellësit të menaxhuar nga Energy Ecolink, ish-Toplana Shkup Sever.
Sipas kompanisë, investimi synon krijimin e një burimi të qëndrueshëm dhe ekologjik të energjisë elektrike, si dhe zgjerimin e kapaciteteve ekzistuese. Kjo pritet të mundësojë përmirësimin e cilësisë së shërbimit për qytetarët, uljen e çmimit të energjisë termike dhe kontribut në reduktimin e ndotjes së ajrit në Shkup.
