Zagreb, 7 qershor Zhurnal.mk – Mali i Zi mbetet kandidati më serioz për t’u bërë anëtari i ardhshëm i Bashkimit Evropian, por për të arritur këtë objektiv duhet të përmbushë disa kërkesa dypalëshe të paraqitura nga Kroacia.
Këto kërkesa u bëjnë të ditura nga kryeministri kroat, Andrej Plenković, gjatë Samitit BE–Ballkani Perëndimor të mbajtur në Tivat.
Kroacia kërkon kompensimin e ish-të burgosurve të kampeve të luftës dhe rregullimin e kësaj çështjeje përmes një marrëveshjeje të veçantë dypalëshe. Gjithashtu kërkohet zgjidhja e çështjeve pronësore të familjeve kroate, statusi i pllakës përkujtimore në ish-kampin Morinj, si dhe përcaktimi i pronësisë mbi anijen shkollore “Jadran”.
Ndër kërkesat e Zagrebit janë edhe përcaktimi përfundimtar i kufirit mes dy shteteve, ndjekja penale e autorëve të krimeve të luftës dhe avancimi i procesit të kërkimit të personave të zhdukur.
Kroacia pret vazhdimin e dialogut konstruktiv dhe përparim të dukshëm në negociatat për të gjitha këto çështje.
Kërkesat kanë shkaktuar reagime të forta në Mal të Zi, ku një pjesë e opinionit publik dhe aktorëve politikë i kanë cilësuar ato si ultimatume dhe jo si pjesë e një dialogu partneriteti mes dy vendeve.
