Policia e Maqedonisë së Veriut ka ngritur kallëzim penal ndaj ish-drejtorit dhe tre të punësuarve tjerë në një Ndërmarrje Publike në lidhje me një prokurim publik në vlerë 1 406 306 denarë.
“Kallëzim penal kundër A.K. (44), ish-drejtor i Ndërmarrjes Publike Komunale “Vodovod” – Koçan, Z.G. (53), punonjës i ndërmarrjes, B.A. (64), gjithashtu punonjës i ndërmarrjes dhe kundër Z.J. (55) ish-punonjës i ndërmarrjes publike”, raporton Policia e Maqedonisë së Veriut.
Ata akuzohen për “keqpërdorim të detyrës dhe autorizimit zyrtar” dhe “bashkëkryerje” në Ndërmarrjen Publike “Ujësjellës” – Koçan gjatë realizimit të një prokurimi publik në kundërshtim me Ligjin për Prokurimin Publik.
“Gjatë vitit 2021 vepruan në kundërshtim me dispozitat e Ligjit për Prokurimin Publik dhe zhvilluan një procedurë për prokurimin publik të mallrave – një mjet për sanimin parandalues të zjarreve në Deponinë e Qytetit, me ç’rast përpiluan dhe miratuan dokumentacionin e tenderit që përmbante një specifikim për produktet që nuk ekzistonin në treg me qëllim kufizimin e konkurrencës midis operatorëve ekonomikë dhe favorizimin e një personi juridik”, raportoi Policia.
